عدد الرسائل : 2194 العمر : 35 المزاج : رآآآآيق ومتجلي تاريخ التسجيل : 15/02/2008
موضوع: يوم لا ينسى!! 5/4/2008, 2:05 am
السلام عليكم ورحمة الله وبركاته
قبل كل شي بحب احيي كل الرائعين يعطيكم الف عافية عالجهود اللي عم بتقدموها ... فعلا شي جميل
المهم... بعد التحية والكلمة الطيبة انا جاية اليوم احكي يوم من حياتي كان يمكن من اجمل ايام حياتي
كتير الناس اللي بنقابلهم وبنشوفهم كل يوم بس قليل جدا اللي بيعلقوا براسنا وبيتميزوا بحضورهم ومستحيل تنساهم حتى لو قعدت سنين طويلة وما شفتهم مرة تانية.. بتضل متذكرهم وبتتذكر الاشياء اللي اثروها فيك..
يوم رائع كان هداك اليوم اللي استقبلت مدرستنا في طلاب وطالبات متلنا بس مش متلنا لا هدول احسن منا.. احسن منا بكتير.. كان فعلا يوم رائع يوم اللي تعرفنا عليهم..
بدي احكيلكم عني بصراحه.. زمان قبل ما اتعرف على هالطلاب والطالبات اللي زارو مدرستنا.. كنت ما احب اشوفهم.. يمكن لاني ما بحب اشعر بالشفقه لحدا او اني ما كنت ناقصه هموم على همومي... بظن انكم اعرفتوهم.. ذوي الاحتياجات الخاصة.. المعوقين.. المعوقين الرائعين وكمااان المتوحدين .. الاطفال المتوحدين..
في هالموضوع حابه احكي عن تجربتي الكاملة معاهم من اولها للاخر
في يوم من الايام كان علينا حصة تربية اسلامية.. مس الدين حكتلنا انو المدرسة رح تنظم حفل تستقبل في ذوي الاحتياجات الخاصه والمعوقين.. عشان نتعرف عليهم ونساندهم ونقدم لهم يوم رائع..
قعدنا نرتب لهاليوم الرائع اسبوعين بكل لهفه وحنين وشوق لرؤيتهم ما بنكر انو كان في لحظات خوف.. يمكن لانو رح تكون اول مره نتعامل معاهم.. وخايفين شو رح يصير... المهم
بعد التجهيزات الكبيرة والتحضيرات لهاليوم .. اقتربت ساعة الصفر وصلو بنات التنظيم على المدرسو بدري.. واللى انا كنت منهم جبنا البالونات الهيليوم.. والألعاب والملابس اللي كانو مطلوبين منا.. بكل شوق نبدأ نرتبهم ونزبط الاموور كلها حطينا شنطنا وطلعنا عالقاعة اللي المفرووض نرتب فيها ولقينا مس الدين عم بترتب وتنظم المكان يا دووب عطيناها الاغراض وزبطنا معاها ورحنا صفوفنا علشان نمتحن الحصه الأولى امتحنا ورجعنا عند المس.. طبعا احنا كنا تقريبا 10 بنات وباقي المدرسة كانو كانو دوام عادي عندهم حكتلنا المس شويه عن هالاطفال.. وكيف لازم نتعامل معاهم وكنا بنسمع الها بكل انصات وترقب اول مره اشوف البنات هيك هاديين عالعموووم.. نزلنا الاداره نستناهم.. وأخيرا
وصلو اطفال التوحد.. الرائعين اطفال من سن ال4 الى ال7 بس شووو بجننوا المعروف عن اطفال التوحد انهم منعزلين عن العالم وما بيحكو مع الناس كتير.. بس الحمدلله انا شفت فيهم مستقبل .. طبعا رحبنا فيهم ووديناهم على قاعة الاجتماعات في الادارة وبلشنا نحكي معهم اللي بيسمعهم بيحكو يا جماعة والله ما بصدق انو هما مبتليين بهالمرض البشع بيتأثر لحالهم كتيــــر.. لانو فعلا وجوههم كانت فيها اشراقة غريبة والله اشراقه وضحكة مستحيل تلاقيها بالعالم العادية.. طبعا شوي ووديناهم عالكراسي اللي كانت مخصصة الهم في الساحه.. ليحضرو الاذاعة اللي كانت مخطط انها تنعمل بعد الحصة التانية.. على غير عادة شوي ووصلو اطفال الاعاقة.. هدول طبعا قصة تانية كتير كانو لطفاء وكانت اعمارهم بين ال 9 وال13 كانو الاولاد لابسين ابيض والبنات علم الامارات وكانو بيجننو في لبسهم وطيبتهم... رحنا انا وصحبتي تنسلم عليهم ونرحب فيهم.. ههههههه احنا نسلم بالايد وهما يحضنو.. يعني ما شاء الله كتير ودودين المهم.. وديناهم على كراسيهم بالاذاعة وبدانا بالقران الكريم بصوت طفل من اطفال التوحد والحديث. اركان الاسلام كمان بصوت طفلة من اطفال التوحد لما صار وقت تحية العلم وبدأ النشيد.. كانو مصفوفين اطفال الاعاقة بنص الساحه وبدأو يغنوو.. عيشي بلادي عاش اتحاد اماراتنا.. يعني الوطنية اللي بتلاقيها في عالم العقل ناقص عندهم.. ما بتلاقيها بعشره من اللي منعمو الله عليهم الله يحميــهم.. طبعا كملنا نشاطات الاذاعة طبيعي بس شووو اخر الاذاعة ما ضل مديرة اخصائية مدرسة بنت من بنات التنظيم الا ونزلت دمعة على حالهم وحالنا وبناات المدرسة كماان اتأثروا كتير.. المهم خلص الطابور ووديناهم عالمسرح .. مسرحيات وفطور وتلوين ووومش عارفه خلص اليوم بسرعه وبالاخير طبعا كرمناهم .. ههههههه اااااااااه لو تشوفو كيف فرحتهم في التكريم والله لو انسان رابح ملايين ما بيعادل هالفرحه اللي كانت بعيوونهم الله يوفقهم ويخليهم ويرعااااااااااااهم دوم يا رب العالمين
المهم.. من هالقصة كلها انا حسيت انو هدول الناس اللي عايشين بعالم تاني الله حرمهم من نعمة العقل بس اعطاهم محبة الناس ...... يعني كيف لما نحس انو هالناااس بالرغم من اللي فيهم بيحبو وطنهم وربهم ودينهم.. واحنا اللي الله منعم علينا.. شوفو كيف بنستخدمو.. الله يعين...
انا حاسه حالي طولت كتير بس كنت حابة والله يمكن لاني كبرت كتير بهداك اليوم
![.][. مـنتديات نور عيني.][.](https://2img.net/s/t/10/04/47/i_logo.png){kind=logo}
موضوع: يوم لا ينسى!! 
5/4/2008, 2:05 am
.. يعني ما شاء الله كتير ودودين
